............

[Anonymous]

MUJHE GALEY SE LAGA LO BOHAT UDAS HON MAIN
GUM-E- JAHAN SE CHURA LO BOHAT  UDAS HON MAIN

YE INTEZAR KA DUKH AB SAHA NAHI JATA
TARAP RAHI HAI MOHABAT RAHA NAHI JATA
TUM APNE PASS BULA LO BOHAT UDAS HON MAIN

HAR IK SAANS MAIN MILNE KI PIYAS PALTI HA
SULAG RAHA HA BADAN AUR ROOH JALTTI HAI
BACHA SAKO TU BACHA LO BOHAT UDAS HON MAIN

BHATAK CHUKKI HON BOHAT ZINDAGEE KI RAHON MAIN MUJHE AB AA KE CHUPPA LO TUM APNI BAHON MAIN
MERA SAWAL NA TALO BOHAT UDAS HON MAIN

[..............]

aa.Nkh se aa.Nkh milaa baat banaataa kyuu.N hai
tu agar mujhase Khafaa hai to chhupaataa kyuu.N hai


Gair lagataa hai na apano.n kii tarah milataa hai
tu zamaane kii tarah mujhako sataataa kyuu.N hai


vaqt ke saath haalaat badal jaate hai.n
ye haqiiqat hai magar mujhako sunaataa kyuu.N hai


ek muddat se jahaa.N kaafile guzare hii nahii.n
aisii raaho.n pe charaaGo.n ko jalaataa kyuu.N hai

[..............]

mohabbat tark kii mai.n ne garebaa.N sii liyaa mai.n ne
zamaane ab to Khush ho zahar ye bhii pii liyaa mai.n ne

[tark=renounce; garebaa.N=dress/clothing]

abhii zi.ndaa huu.N lekin sochataa rahataa huu.N Khalvat me.n
ki ab tak kis tamannaa ke sahaare jii liyaa mai.n ne

[Khalvat=solitude]

u.nhe.n apanaa nahii.n sakataa magar itanaa bhii kyaa kam hai
ki kuchh muddat hasii.n Khvaabo.n me.n kho kar jii liyaa mai.n ne

bas ab to daaman-e-dil chho.D do bekaar ummiido
bahut dukh sah liye mai.n ne bahut din jii liyaa mai.n ne